Ikorfartuineq

Ikorfartuineq – Eqqarsaatersornissamut ineriartornissamullu inissaqarneq

Ikorfartuinissamut neqeroorut sullissisartut, suleriusiminnik eqqarsaatersornissannut inerisarnissaannullu periarfissiinissaq eqqarsaatigalugit tulluarsagaavoq. Naapeqatigiinnerit ima sinaakkusersorneqarput ajornartorsiutigisamik avitseqateqarnissaq periarfissaalluni tassungalu utertitsiivigineqarneq taavalu ingerlariaqqinnissamut periarfissat misissorneqarlutik. Suleriutsit MI-minngaanniit, oqaluttuarinnittariaatsimik tamakkiisumillu sunniisartumik misissuinermik ingerlanneqartassaaq, pitsaanerusumik sullisssisinnaanissat anguniarlugu. Ukiuni arlaliusuni ikorfartuisutut sullissisarninni toqqissisimaffiusumik inimik pilersitsinissaq sulissutigisarpara tassami aatsaat tassanngaanniit ineriartorneq aallarsartarmat.

Ikorfartuinerni pisariaqartitat suliallu aalajangersimasut tunngavingalugit ingerlaartassaagut. Atassuteqartariaatsit qanoq sammineqarsinnaaneri, suliat allatut ingerlariaqqiiffigineqarsinnaaneri imal sulisutut imminut upperinerit qaffatsinnissaa sammineqarsinnaapput. Nersuisutut, ingerlariaqqiffissalittut siunertaqarlunga suleriuseqarpunga, inuttut sulisutullu ineriartornissat anguniartarlugu.

Ikorfartuineq iluarsiiniarnermut kisimi atorneqarneq ajorpoq – atugarissaarnermut sullissisutullu ineriartornermut tapertaasarpoq. Ataatsimoorluta misilittakkatit ajornartorsiorfitillu pulaffigissavagut allatullu isumaqalersillugit kinguneqarlualersillugit suliarissavagut.

Ataasiakkaanik eqimattanillu ikorfartuineq neqeroorutigaakka, pisariaqartitat apeqqutaaginnarpoq. Suliarisagut tassaasinnaapput – pilertortumik ajornartorsiorfimmiit siunissaq ungasinnerusoq eqqarsaatigalugu ineriartortuarnissamut sammisut.

Ikorfartuineq toqqissisimavimmik ingerlatitseqqiffiunngittumik sinaakkusersorneqarpoq, sunaluunniit qaqilertorneqarsinnaalluni. Anguniangara tassaavoq sulisutut imminut tatigalutit napatissinnaallutit ajornartorsiutit allatut isumagisinnaanissaanut ikorfartornissat.

Ikorfartuinerup qanoq illit iluaqutigisinnaanerlugu paasiniaallutit attavigisinnaavarma.