Qanilaarneq inerinnissamut periarfissiisarpoq.

Poulimik ateqarpunga, katsorsaasuuvunga, ikiorfartuisoq taavalu Motivational Interviewingimi ilitsersuisoq

Inoqatimma ineriartuutigisassaannik sullissinissara soqutigiuarpara. Qanilaassuseq saqqummertarnera nuannariuarpara tassanngaanniillu inuunermik naleqartitsineq atugarissaarnerullu siuariartornissaannik siammasissumik suliaqarneq nukinnik aallerfigisarlugu. Ulluinnarni 2020-mili aalartiffigisannik Allorfimmi katsorsaasutut sulivunga, tassanilu atorfinni periutsit sakkullu assigiinngitut atorlugit innuttaasut sullitama pingaartitai inissaqarlualerrnissaannut sullissisarpunga.

Aanngajaarniutinik ajornartorsiutilinnik katsorsaasutut ilinniarnitsinni ilinniartitsisunik piginnaalluartuniit MI-mut ilitsersuunneqarpugut isumassuineratalu kingorna suleriuseq tigulluarlugu ingerlatilerpara. Nunatsinni siuarsarumallugu oqaloqatiginnittariaaseq itisilertuarlugu ingerlavunga. Katsorsaasutut sulinera MI tungaatigut sungiusarnermik ilisimatusarnermillu ingerlaarsimavunga, MINT (Motivational Interviewing Network og Trainers) ataatsimeersuarnerini ilaasortanngorlunga peqataaninni inuit piginnaasallit assigiinngitsorpassuit naapippakka. Ataatsimeersuarnermilu tapersersuineq qanilaarnerlu toqqissisimanerlu misigisimanerini ilitsersuinissannut aallartisarniarlunga sapigukkunnaarsimavunga.

Ikorfartuinermik ilitsersuinermillu itisiliineq

Sulininni ikorfartuisutut ilinniarnikuunera atorpara ima, ikorfartuisoq avataaneersoq suleqatigalugu suliffeqarfiup iluani suliat naammaginarnerinik taavalu sineriak tamakkerlugu sulisut piginnaasai ineriartortittuarnerinik suliaqarpugut.

Maanngaanniit neqeroorutiga tassaavoq pikkoriffiga atorlugu uippakajaarnermi aporaannerni, inuttut ineriartorninni, suliffimmut tunngatillugu avitseqateqarnermi imal. illit inuunippit siunertaanik ersarissaaninni ikorfartuineq. Naatsumik tassa suliamik, suleriutsimik, sulisutut imal inuttut ikorfartuisuuvunga illit qitiutillutit nukkannissat taavalu isumassarsinissat sulissutigalugu.

MI-mut tunngatillugu ilisimasat nunatsinni siammarterusuppakka. Misissuinermi tunngavilersorluakkamik inuk qitiutillugu allannguineq pillugu sullitamik oqaloqateqarnermi iluaqutaalluartartoq sulinermilu oqilisaataalluartartoq ilissinnut ingerlateqqikkusuppara. Oqaloqatigiittariaaseq kulturit assigiinngitsut akimorlugit atorneqarluartarpoq, sullissisoq sullitaminik paasinninnerunissaanik periarfissittarlugu.

Imminut ilisiaritinnera tamakkiisumik oqaluttuarinngikkaluarlugu taama naatsunnguamik allassinnaavunga, naapikkutta itisileqqissinnaasavakka, taava attaviginnga tassanilu paasissavarput qanoq ulluinnanni ikiorsinnaanerikkit.